Bætt menning og mannauður
Píratar í Reykjanesbæ vilja að bæjaryfirvöld stuðli að bættum mannauði og menningarlífi á Suðurnesjum með því að bæta aðstöðu og hvetja til tómstunda-, menningarstarfs og aukinnar þátttöku allra íbúa í að skapa eigin velferð.
- Virkjum mannauð og stuðlum að sjálfseflingu íbúa
Eflum mannauð með stuðningi við íbúa, menningu og tómstundir
með því m.a. að tryggja aðstöðu fyrir listsköpun, félags- og tómstundastarf í bæjarfélaginu.
- Stöndum vörð um gæði og aðgengi íbúa að félagslegri þjónustu og sjáum til þess að allir sem þurfa fái atvinnu með stuðningi.
- Núverandi ástand á dagvistun fyrir ungbörn er óásættanlegt og snarlega þarf að finna leiðir til að leysa þetta vandamál. Koma þarf á fót ungbarnaleikskóla og auðvelda fólki aðgang að þjónustu dagforeldra.
- Eflum menningartengda ferðaþjónustu og gerum sögu svæðisins sýnilega og minjastaði aðgengilega bæði heimamönnum og ferðafólki.
Í anda grunnstefnu Pírata varðandi eflingu og verndun borgararéttinda og aukinn sjálfsákvörðunarrétt einstaklinga.