Innflytjendur eru mikilvægur hluti samfélagsins

Aðfluttir bæjarbúar bæta og efla samfélagið, svo einfalt er það.

Píratar í Reykjanesbæ telja sjálfsagt að innflytjendum sé tekið með opnum örmum og þeim gert kleift að aðlagast samfélaginu og taka virkan þátt í því. Við þurfum á duglegu og menntuðu fólki að halda, hvaðan sem það kemur, sem getur og vill vera bæjarfélaginu til sóma.

1. Erlendum innflytjendum skal vera tryggður aðgangur aðíslenskukennslu sem hentar hverjum og einum, án endurgjalds. Slíkt mun koma margfalt til baka með aukinni og bættri þátttöku þeirra í samfélaginu.
2. Kalla þarf sérstaklega eftir skoðunum og hugmyndum nýbúa og auðvelda þeim
   aðgengi að nauðsynlegum upplýsingum.
3. Yfirfara þarf þjónustuferla stjórnsýslunnar sem snúa að innflytjendum og endurbæta þá til að tryggja að nýbúar eigi jafn greiðan aðgang að þjónustu og aðstoð eins og aðrir íbúar.
4. Stofnað verði embætti umboðsmanns íbúa sem tryggir gagnsæja málsmeðferð með hag allra íbúa að leiðarljósi.
5. Þrýsta þarf á Alþingi að breyta lögum um kosningarétt til að erlendir innflytjendur geti kosið til sveitastjórna þegar þeir eru byrjaðir að borga skatta af tekjum sínum.

Í anda grunnstefnu Pírata varðandi eflingu og verndun borgararéttinda, styrkingu beins lýðræðis, sjálfsákvörðunaréttar einstaklinga og eflingu gegnsærrar stjórnsýslu sem stuðlar að vernd hinna valdaminni gagnvart þeim sem eru valdameiri.